Mjeku i njohur Tritan Kalo ka marrë sot dozën e tretë të vaksinës, ndërsa ka bërë nj apel të rëndësishëm për të gjithë të moshuarit. Përmes një postimi në rrjetin social Facebook, ai shprehet se qytetarët duhet të përdorin çdo mjetë për t’u mbrojtur ndaj koronavirusit, duke përmendur vaksinimin si një hap të rëndësishëm.
Ai iu kërkon qytetarëve që të marrin dozën e tretë dhe të mos dëgjojnë teoritë konspirative që thuhen lart e poshtë. Kalo thotë se gjithë familja e tij është e vaksinuar dhe deri më tani nuk kanë pasur asnjë shqetësim, përkundrazi ndihen më të qetë dhe të mbrojtur. “Vaksinimi e ul shumë rrezikun e infektimit, të kalimit të formave të rënda të infeksionit apo të humbjeve të jetës prej tij në të gjithë grup-moshat e popullatës ku ato janë testuar, sidomos në individët me komorbozitete si dhe ata/ato, që për arsye të profesionit janë më të ekspozuar ndaj kësaj “flame mbarë botërorë… e shoh të domosdoshme të përdor çdo mjet mbrojtje ndaj tij përfshirë edhe Vaksinën….
SOT mora dozën e tretë të saj dhe ndihem për bukuri…Nëse jeni të bindur për efektshmerinë e Vaksinimit mos hezitoni të përftoni prej dobi prurjes nga marrja e saj….GOJËLIGËSIA mundet t’iu ysht të hezitoni në bërjen e vaksinës, por unë personalisht e familjarisht jemi të vaksinuar“, shkruan Kalo.
Sot ka nisur vaksinimi me dozën e tretë kundër COVID të mjekëve. Ndërkohë që Drejtoresha e ISHP, Albana Fico dhe Rektori i Universitetit të Mjekësisë, Prof. Arben gjata kanë bërë thirrje qytetarëve që të vaksinohen.
Discussion about this post