Policia e Vlorës ka arrestuar në flagrancë një 51-vjeçar me lëndë eksplozivi me vete. Sipas policisë, bazuar dhe në informacionet e marra në rrugë operative, në afërsi të Urës së Gjolës, po lëvizte një person që dyshohej se kishte lëndë eksplozive, në çantën e tij, kanë organizuar dhe finalizuar me sukses operacionin policor të koduar “Explode”.
Në pranga është vënë 51-vjeçari me inicialet, N. M., banues në Kurbin. Gjatë kontrollit të çantës së tij, shërbimet e Policisë gjetën dhe sekuestruan, në cilësinë e provës materiale, 20 kallëpe tritol dhe 2 kapsolla detonatore me përcjellës elektrik.
Vijon puna për dokumentimin e plotë të kësaj veprimtarie kriminale dhe identifikimin e personave të implikuar në të.
Materialet i kaluan Prokurorisë, për veprime të mëtejshme procedurale.
Discussion about this post