Policia e Tiranës ka mundur që të identifikojë autorin i cili më 24 korrik vendosi tritol në garazhdin e biznesmenit, Elvis Kosova.
Përmes një njoftimi zyrtar blutë bënë me dije se Klodian Steli është autori i kësaj ngjarje dhe identifikimi i tij u bë falë pamjeve të kamerave të sigurisë së zonës.
Grupi hetimor ndoqi të gjitha lëvizjet e 36-vjeçarit i cili pasi vendosi tritolin u mundua që të humbasë gjurmët duke u future në pyllin pranë Liqenit të Thatë, aty ku dhe qëndroi për një kohë prej 30 minutash.
Më pas ai ka dalë në një rrugicë tjetër dhe u largua nga vendi i ngjarjes me shpresën se autoritet nuk do të mund ta idenfitikonin, por që kamerat në zonë e nxorën “zbuluar” atë edhe në vijim të itenerarit të tij.
Hetuesit arritën që të “pikasin” edhe automjetin e përdorur nga Steli i cili rezultoi që ishte marrë me qira në zonën e Fushë-Krujës, gjë që çoi më pas dhe të identifikimin e tij.
“Si rezultat i hetimeve të thelluara, të kryera nga shërbimet e Komisariatit të Policisë Nr. 1, me qëllim zbardhjen dhe dokumentimin e plotë të ngjarjes së ndodhur më datë 24.07.2025, në rrugën “Peti”, ku në portën hyrëse të garazhit të shtetasit E. K. u vendos një sasi lënde plasëse, kanë identifikuar dhe shpallur në kërkim autorin e dyshuar të ngjarjes, shtetasin: K. S., 36 vjeç, banues në Fushë Krujë”, njoftoi Policia më herët, ndërkohë që vlen të theksohet se nga sistemi TIMS rezulton që ky shtetas të ketë lënë tokën shqiptare pas ngjarjes.
Kujtojmë se ngjarja ndodhi gjatë orëve të para të mëngjesit të 24 korrikut, në rrugën “Peti” pranë Liqenit të Thatë në Tiranë.
Një sasi tritoli shpërtheu në derën hyrëse të garazhdit në pronësi të biznesmenit Elvis Kosova. Si pasojë u dëmtua fasada e qepenit si dhe katër automjetet të cilat ishin parkuar aty pranë.
Sipas asaj që Policia bëri me dije asokohe, vetë Kosova mohoi të kishte konflikte me persona të tjerë, ndërkohë që nga ana e saj autoritetet mendojnë se kjo sasi tritoli mund të ishte një mesazh.
Discussion about this post