Nuk ka ende asnjë gjurmë nga autori i dyshuar për dy shpërthimet e fuqishme me tritol në dy biznese në Shkodër. Hetimet për këtë ngjarje që ka tronditur mëngjesin e sotëm qytetarët e Shkodrës, vijojnë, ndërsa në fokus kanë qenë kamerat e bizneseve përreth.
Kamerat kanë filmuar momentin kur autori i vendos tritolin biznesit që ndodhet në godinën në pronësi të ish kandidatit të PD-së për Bashkinë e Shkodrës, Xhemal Bushatit.
Ai shfaqet i maskuar me maskë dhe me kapele, çka e bën më ë vështirë identifikimin e tij.
Ndërsa kamerat tek supermarketit në pronësi të Florian Markut nuk kanë kapur momentin e vendosjes së lëndës plasëse. Dyshohet se ngjarjet kanë dy autorë, pasi shpërthimi ka ndodhur në të njëjtën orë, në 2.20 të së shtunës. Kurse porositësi mendohet se është I njëjti person.
Mësohet se Bushati dhe Marku kanë deklaruar në polici se nuk kanë konflikt me askënd. Kjo godinë kati i parë i së cilës është përshtatur për biznes dhe në katin tjetër banon familja Bushati ndodhet në qendër të qytetit, ndërsa supermarket i Florian Markut pranë stadiumit. Bushati e ka godinën në pronësi të tij, Marku ja ka marrë me qira familje Lici e njohur për disa konflikte në Shkodër. Policia po vijon hetimet dhe po mbledh të tjera filmime të kamerave të sigurisë në rrugët e tjera pranë këtyre bizneseve.
Discussion about this post