Një ngjarje e përmasave tronditëse është ajo që ka ndodhur së fundmi në Itali. Protagonist është një 22-vjeçar shqiptar. I riu është plagosur rëndë në ambientet e punës. Mediat fqinje raportojnë se shqiptarit i ka shpërthyer një granatë dorë teksa punonte dhe për pasojë ka marrë dëmtime.
Ngjarja ka ndodhur të enjten në Torino. I riu shqiptar ishte duke punuar në një ndërtesë që po rikonstruktohej.
Mësohet se i plagosuri po punonte me një lopatë duke larguar disa mbetje nga kopshti i ndërtesës. Granata raportohet të ketë qenë e Luftës së Dytë Botërore, e cila u aktivizua dhe shpërtheu.
I riu shqiptar u dërgua menjëherë në spital dhe ka marrë dëmtime në këmbë. Ai ndodhet jashtë rrezikut për jetën.
Discussion about this post