Një ngjarje e rëndë ka ndodhur në Greqi, që ka tronditur të gjithë qytetarët. Sipas mediave të huaja një 30-vjeçar shqiptar i ka dhënë fund jetës pasi dyshohet ishte ndarë nga e dashura e tij. Bëhet me dije se i riu me emrin Laert S., ishte vetëvarur në një pemë në Koukourava, ndërsa mësohet se së fundmi ai punonte në një restorant në Nea Joni, si shpërndarës i porosive. Sipas mediave greke atij i pëlqente të udhëtonte, të luante me miqtë, i pëlqente muzika dhe motoçikleta! Ai shkoi në një vend të izoluar të Koukourava, disa kilometra larg Volosit ku i dha fund jetës.
Media TheNeëspaper.gr mëson se vendimi i tij lidhet me ndarjen nga e dashura. Ndërkaq, autoritetet kanë bërë edhe autopsinë e trupit të shqiptarit, i cili i dha fund jetës në një zonë të shkretë pyjore pasi kishte mbërritur me motor aty, duke u varur në pemë.
Siç zbulon autopsia tronditëse, 30- vjeçari ka përdorur materiale që mund të ketë gjetur gjatë rrugës ose të ketë marrë me vete për t’i dhënë fund jetës. Dëshmitë për 30-vjeçarin thonë se ai ishte një i ri punëtor që bënte dy punë për të siguruar jetesën.
Ai nuk ka lënë asnjë shënim ku të shpjegojë arsyet pse ka kryer vetëvrasje, por përflitet se arsyet e zhgënjimit në dashuri e kanë çuar drejt flijimit. Policia po shqyrton të gjitha mundësitë dhe deri më sot po japin dëshmitë e tyre kolegë dhe të afërm të tij.
Discussion about this post