Një ngjarje e rëndë ka ndodhur në Serbi, ku një 14-vjeçar ka vrarë me pushkë gjuetie vëllanë e tij 12-vjeçar.
Mësohet se dy të miturit ishin duke u grindur se cili do të hynte i pari në pishinë për të notuar, dhe në nervozim e sipër 14-vjeçari ka marrë armën dhe ka qëlluar drejt vëllait të tij më të vogël.
Në momentin e ngjarjes të vegjlit kanë qënë me gjyshen e tyre e cila e tronditur ka thirrur ambulancën por i mituri nuk ka mundur të mbijetojë.
14-vjeçari është shoqëruar nga policia dhe ndodhet në paraburgim, ndërsa është marrë në pyetje gjyshja e djemve me dyshimin se e mbante pushkën e gjuetisë, (e cila me shumë gjasa i përkiste bashkëshortit të saj tashmë të ndjerë,) të siguruar në mënyrë joadekuate dhe pa leje.
Policia po heton rastin, ndërsa ekspertët mjeko-ligjorë kanë marrë të gjitha gjurmët materiale. Se si ndodhi saktësisht kjo tragjedi e madhe familjare do të përcaktohet nga hetimi.
Discussion about this post