Republikani Donald Trump doli sot përpara mijëra mbështetësve të tij, duke vazhduar kështu fushatën elektorale për zgjedhjet e kongresit që do të mbahen në muajin nëntor të vitit të ardhshëm.
Gjatë fjalës së tij Ish-presidenti Trump përsëriti akuzat se zgjedhjet u vodhën, ndërsa sulmoi ashpër kreun e shtëpisë së bardhë. Ai tha se Biden po e çon Amerikën drejt rrënimit
“Miliona amerikanë tashmë e kanë kuptuar se Xho Bajdën dhe e majta radikale e kanë ccuar kombin tonë në shkallët e një rrënoje. Vetëm pas 9 muajsh nën qeverisjen e Biden, kriminelët dhe bandat kanë pushtuar rrugët tona, kartelet vdekjeprurëse të drogës kanë marrë në dorë kufijtë tanë, inflacioni mbizotëron ekonominë, Kina ka tërhequr vendet e punës dhe talebanët kanë marrë Afganistanin. Dhe nuk mund të thoni se nuk ju paralajmërova. Zgjedhjet u vodhën por ne nuk do të lejojmë që kjo katastrofë të vazhdojë”, tha Trump.
Ish-presidenti Trump konfirmoi mbështetjen e tij të plotë për rizgjedhjen e senatorit të Ajovws, Chuck Grassley, i cili po kërkon një mandat të tetë në zgjedhjet e vitit 2022. Ndërsa shtoi se SHBA po detyrohen të negociojnë furnizimet me naftë me Rusinë dhe Organizatën e Vendeve Eksportuese të Naftës, për shkak të humbjes së pavarësisë së energjisë nën administratën aktuale.
