Prokurori Special që ndiqte Hashim Thaçin dhe të tjerët në Hagë dhe që tashmë po mbikëqyr dy hetime kriminale kundër ish-presidentit amerikan Donald Trump ka marrë edhe të tjera nofka fyese nga ky i fundit. E gjërat, vazhdojnë të tensionohen.
Jack Smith me ekipin e tij po vazhdojnë hetimet e tyre duke thirrur dëshmitarë që tashmë janë pjesë e rrethit të brendshëm të Donald Trumpit.
Wall Street Journal e përshkroi si vijon gjendjen aktuale të hetimeve:
“Hetimet e Prokurorit Special ndaj ish-presidentit Donald Trump duket se kanë mbërritur në faza të avancuara pas disa hapave agresivë në vitet e fundit, disa prej të cilëve kanë përgatitur punën për luftë në gjyq që mund t’i marrë muaj të tërë për t’u zgjidhur.”
MSNBC shkruan se kjo e ka shqetësuar ish-presidentin Donald Trump.
Fundjavën e kaluar, republikani Donald J. Trump, përmes rrjeteve të tij sociale, e quajti Smithin “qen të çartur” dhe “urryes të Trumpit… në përmasa historike”.
Trump edhe më herët e kishte sulmuar Jack Smith me fjalë të rënda, duke e quajtur “bandit”, “monstër”, “njeri që mund të ishte kriminel” si dhe “vrasës politik”.
Discussion about this post