Presidenti amerikan konfirmon telefonatën me presidentin rus. Trump tha se ka pasur gjithmonë një marrëdhënie të mirë më Putin dhe ai ka një plan konkret për t’i dhënë fund luftës, por nuk dha detaje të mëtejshme.
Presidenti amerikan Donald Trump ka folur me homologun e tij rus Vladimir Putin për t’i dhënë fund luftës në Ukrainë.
Në një intervistë për Neë York Post, Trump tha se ka pasur gjithmonë një marrëdhënie të mirë më Putin dhe ai ka një plan konkret për t’i dhënë fund luftës, por nuk dha detaje të mëtejshme.
Presidenti amerikan nuk pranoi as të tregonte se sa herë ka diskutuar me presidentin rus, por tha se Putin, do që të mos shohë më njerëz duke vdekur.
“Shpresoj që lufta të mbaroj shpejt. Çdo ditë njerëzit po vdesin. Të rinj, njerëz të bukur. Ata janë si fëmijët tuaj, dy milionë që kanë vdekur pa asnjë arsye. Kjo luftë është kaq e keqe në Ukrainë. Unë dua t’i jap fund kësaj gjëje të mallkuar.”
Megjithatë zëdhënësi i Kremlinit Dmitry Peskov, nuk ka mundur as ta konfirmojë e as ta mohojë telefonatën.
Trump më parë kishte thënë se do të takohet me presidentin ukrainas Volodymyr Zelensky për të diskutuar përfundimin e luftës.
Ai lajmëroi gjithashtu një telefonatë tjetër me Putin.
Ndërkohë një plan për t’i dhënë fund konfliktit pritet të paraqitet në Konferencën e Sigurisë në Mynih nga i dërguari i Trump për luftën mes dy vendeve, Keith Kellogg.
Plani parashikon ngrirjen e konfliktit në vijat aktuale të frontit, status të pacaktuar për territoret ukrainase të pushtuara nga Rusia dhe garanci sigurie nga Perëndimi për Ukrainën.
Lufta e cila filloi me pushtimin e forcave ruse në Ukrainë bën tre vjet ne 24 shkurt. Mijëra njerëz, mes tyre civilë të shumtë ukrainas janë vrarë në konflikt.
Discussion about this post