Djali i presidentit amerikan, Hunter Biden ka rënë dakord për të pranuar akuzat për mospagim të taksave federale. Po ashtu, djali i Joe Biden do të pranojë një akuzë për posedim të paligjshëm të një arme dhe përdorim droge.
Një marrëveshje e tillë është e pazakontë, çka ka sjellë reagime të ashpra nga Partia Republikane.
Ish-presidenti amerikan dhe kandidati kryesor i republikanëve, Donald Trump, tha se kjo marrëveshje tregon se drejtësia është e korruptuar.
Trump tha për Fox News se dënimi për Hunter Biden do të jetë sa për një gjobë trafiku.
“Atij i dhanë një gjobë trafiku dhe e pastruan për gjithçka,” tha Trump. “Është një turp për sistemin, është një turp për Amerikën, është një situatë shumë e padrejtë, është një sjellje e pahijshme e prokurorisë dhe është një ndërhyrje në zgjedhje, të gjitha të mbështjella në një,” shtoi ai.
“Ky është një sistem drejtësie i korruptuar dhe një FBI e korruptuar,” tha Trump, duke shtuar se nëse do ishte një nga anëtarët e familjes së tij, me shumë gjasë do përballej me një dënim prej qindra vitesh.
Discussion about this post