Presidenti amerikan, Donald Trump la mënjanë edhe një herë zemërimin ndërkombëtar për planin e tij për të marrë kontrollin e Gazës, duke thënë se SHBA-ja mund të ndihmojë në transformimin e saj në një “diamant”.
“Ne do ta marrim, do ta mbajmë, do ta çmojmë”, tha Trump gjatë një takimi me Mbretin Abdullah II të Jordanisë në Shtëpinë e Bardhë.
“Ne do ta realizojmë planin përfundimisht, ku do të krijohen shumë vende pune për njerëzit në Lindjen e Mesme”, shtoi Trump.
“Do të jetë për njerëzit në Lindjen e Mesme. Por, unë mendoj se mund të jetë një diamant. Mund të jetë një pasuri e jashtëzakonshme për Lindjen e Mesme dhe ju do të keni paqe. Do të sjellim paqe në Lindjen e Mesme”, tha ai.
Një javë më parë, presidenti Trump propozoi që SHBA-ja të “merrte përsipër” dhe të rrafshonte territorin bregdetar të shkatërruar nga lufta, të zhvendoste gati 2 milionë palestinezë që jetojnë atje dhe të përfshihej në një përpjekje masive rindërtimi për të krijuar “Rivierën e Lindjes së Mesme”.
Trump ritheksoi vlerën e Gazës në terma të pasurive të paluajtshme, duke vënë në dukje se “ajo ndodhej përballë detit”.
Presidenti amerikan tha se priste që të arrihej një marrëveshje me fqinjët e Izraelit, Egjiptin dhe Jordaninë për zhvendosjen e palestinezëve.
Megjithatë, të dyja vendet e kanë hedhur poshtë me vendosmëri idenë e akomodimit të palestinezëve nga Rripi i Gazës.
Plani ka ngjallur kritika të ashpra nga aleatët dhe kundërshtarët e Uashingtonit, megjithëse kryeministri izraelit Benjamin Netanyahu e ka vlerësuar idenë.
Trump ka thënë se pret të jetë në gjendje të arrijë një marrëveshje me fqinjët e Izraelit, Egjiptin dhe Jordaninë për zhvendosjen e palestinezëve. Megjithatë, të dyja vendet e kanë hedhur poshtë me forcë idenë e akomodimit të palestinezëve nga Rripi i Gazës.
“Natyrisht ne duhet të shikojmë interesat më të mira të SHBA-së, të njerëzve në rajon, veçanërisht të popullit tim në Jordani”, tha Trump.
Abdullah njoftoi se Jordania do të pranonte 2000 fëmijë të sëmurë nga Gaza.
Discussion about this post