Prokuroria ka lejuar rivarrosjen e trupit të së ndjerës Liridona Ademaj, pas kërkesës së familjes së saj. Tashmë Liridona Ademaj do të prehet në varrezat e fshatit të saj të lindjes, në Rracaj të Gjakovës. Janë vetë familjarët ata që kanë bërë të ditur lajmin, ndërsa njoftojnë:
“Njoftim mortor nga familja Ademaj. Familja Ademaj njofton miq, shokë e dashamir se rivarrimi i vajzës tonë Liridona Ademaj e vrarë me datën 29.11.2023 bëhet nesër me datë 4 dhjetor 2023 në varrezat e fshatit Rracaj në ora 14:00”.
Ky vendim i familjes Ademaj erdhi pas arrestimit të Naim Murselit, bashkëshortit të akuzuar tashmë si porositës i vrasjes së 30-vjeçares.
“E nderuar prokurore, kërkojmë nga ju që të na mundësoni që turpin e vajzës sonë Liridona Ademaj ta zhvarrosim dhe ta rivarrosim në fshatin Rracaj. Kjo është një procedurë dhe përjetim tepër i rëndë për neve dhe këtë vendim e kemi marrë me shumë vështirësi por duam që ajo të prehet në shtëpinë e saj”, shkruhej në kërkesën e familjarëve të Liridonës drejtuar prokurores.
Discussion about this post