Dy ditë më parë, gjykatësja Florije Zatriqi, mori vendimin për të dënuar me 8 muaj e 8 ditë burgim një burrë, pasi abuzoi seksualisht me një 15-vjeçare, por ky lajm nuk është pritur mirë, jo vetëm nga qytetarët, por edhe nga njerëzit publik, duke kërkuar kështu shkarkimin e saj.
Midis tyre, ka qenë edhe këngëtarja shqiptare, Tuna, e cila me anë të një postimi në “Instastory” kishte treguar një foto të gjykatëses Zatriqi me një kryq të kuq mbi të.
Krahas fotos ajo shkruan edhe “bërllog i korruptum”, duke shprehur kështu indinjatën e saj dhe duke iu bashkuar kërkesës për drejtësi për vajzën e dhunuar.
Organizatat thonë se gjyqtarja vendimin e marrë e ka arsyetuar duke përdorur interpretime si “ai kishe pasur sjellje korrekte, kishe shprehur keqardhje e kishte pranuar fajësinë, gjatë aktit viktima nuk kishte pësuar lëndime, nuk është i dënuar më parë, ndaj tij nuk ka ndonjë procedurë tjetër, ka qenë i moshës 21 vjeçare, ka qenë i papjekur, ka fëmijë dhe se nga koha kur është kryer vepra penale tashmë kanë kaluar gati 10 vite”.
