Një turist britanik i cili kishte shkuar bashkë me familjen për të vizituar kryeqytetin grek, është sulmuar rëndë nga 15 qenë rruge. Sipas mediave britanike, Danny Kapetanios, nëntë vjeç, babai Stamatis, 52 vjeç dhe kushëriri Roxy, 11 vjeç, të gjithë me origjinë greke por banues në Angli, u masakruan nga qentë në një nga zonat e populluara të Athinës.
Teddy, nëntë vjeç, e gjeti gjithashtu veten të rrethuar nga qentë e egër, por arriti të largohej pa lëndime. Të tre të plagosurit kanë përfunduar në spital, ndërsa 52-vjeçari me plagë më të rënda, i është dashur të qëndrojë plot 6 ditë në spital. Ai ka thënë për ‘Daily Mail’ se tashmë ndodhet në shtëpi dhe po rikuperohet.
“Përjetova frikën më të madhe të jetës sime”, thotë ai.
Sakaq, edhe pse jashtë rrezikut për jetën, dora e tij e majtë ka mbetur e paralizuar.
Discussion about this post