“Turp të të vijë”, Kokalari shpërthen kundër Berishës: E paske merituar Bashën!

Ndonëse kohë më parë u shfaq si një nga mbështetëset më të zjarrta të Sali Berishës, nuk mund të thuhet kjo gjë për Evi Kokalarin sot.

Prej ditësh ajo ka denoncuar manipulime në procesin e zgjedhjes së kreut të ri të Forumit Rinor të Partisë Demokratike, ndërsa sot ka reaguar pas takimit që kreu i PD-së Sali Berisha pati me kreun e sapozgjedhur të FRPD Besart Xhaferri.

Kokalari e akuzon Berishën se sot ka legjitimuar gënjeshtrën. Ajo i tregon kreut të PD-së turpin dhe shkon edhe më tej duke shkruar se e ka merituar Lulzim Bashën.

Postimi i Kokalarit:

“Turp të të vijë Sali Berisha!!

Ka një muaj që na ka rënë goja duke të thënë që po bëhen manipulime.

Kam tre muaj që të thashë që Kelliçi vodhi votat dhe përgjigjja jote ishte “eh sé 11 vota janë”

Grigels Muçollari ma ka thënë copë që këta të kryesisë donin njeriun e vet si kryetar dhe me ndihmën tende ia dolën.

Sot ti legjitimove gënjeshtrën. E paske merituar Lulzim Bashën i dashur zotëri!!!

Dhe boll u tallët me Primaret. Ju nuk keni konceptin bazë të konservatorizmit. Dhe vazhdoni me EPP. Shumë nga ne do e kishin për turp në këtë pikë që PD-ja të hiqej si konservatore.

Tashti bëni sikur do luftoni Edi Ramën.

Ju jeni të gjithë të mbaruar.