E kanë pritur me ofendime disa simpatizantë të PD, kryetarin Lulzim Basha pas dalës së tij nga selia blu dhe nisjes drejt Parlamentit.
Disa simpatizantë të ish-kryeministrit Sali Berisha janë mbledhur jashtë selisë së PD, ku siç shihet nga pamjet e siguruara nga Gijotina.com, ata shfaqen të irrituar me Bashën duke thënë “Turp, turp”.
Ky reagimin vjen pas deklaratës së djeshme të kreut të demokratëve, i cili largoi ish-kryeministrin dhe liderin historik të PD nga grupi parlamentar. Megjithëse, kjo nuk e ndaloi Berishën të paraqitej sot në Kuvend, ku dhe deklaroi se largimi i tij është në sajë të paktit Rama-Basha dhe do bëjë çdo gjë që të rikthejë PD në piedestalin e dikurshëm.
Seanca e parë parlamentare u zhvillua paraditen e sotme në orën 10:00 për të bërë verifikimin e mandateve të deputetëve, ndërsa seanca e radhës do zhvillohet në orës 17:00 për emërimin e Lindita Nikollës si Kryetare Kuvendi.
