Turqia ka arritur një fitore të rëndësishme në Grupin F të Europianit, duke mundur 3-1 Gjeorgjinë debutuese. Me një lider si Çalhanoglu, që së fundmi doli edhe kampion i Seria A, Turqia priteh të ishte një nga surprizat e Europianit. Nga ana tjetër ishte Gjeorgjia. Ky është kualifikimi i parë në historinë e tyre në një event madhor si Europiani. Skuadra udhëhiqet nga “ylli” i Napolit Kvaraskhelia, që pritet që lejë gjurmë në këtë kompeticion.
Pjesa e parë ishte e barabratë. Ishin fillimisht turqit që e nisën më shpejtë takimin dhe falë presionit të ushtruar shënuan golin e epërsisë me anë të Muldur, në minutën e 25-të. Pas dy minutash nga goli i parë, turqit realizuan sërish me juventinin Yildiz, por ishte VAR, që anuloi gjithçka për shkak të pozicionit të parregullt.
Gjeorgjanët reaguan menjëherë, duke gjetur barazimin, 7 minuta më pas nga ana e Mikautadze. Edhe në aspektin e lojës, gjeorgjanët vendosën balancën, duke bërë që fraksioni i parë të mbyllet në baraspeshë.
Në pjesën e dytë, ishte skuadra e Montellas e cila mori sërish kontrollin e lojës, duke vendosur nën presion skuadrën kundërshtare. Për të çuar peshë gëzimin e tifozëve të shumtë turq, prezentë në Dortmund, u desh një perlë e futbollistit të Real Madrid, Arda Guler, i cili nga jashtë zonës, dhuroi “një magji” me të majtën.
Turqia administroi mjaft mirë rezultatin, pavarësisht përpjekjeve të skuadrës gjeorgjiane. Në sekondat e fundit, pas një kundërsulmi, ishte Akturkoglu, që përfitoi edhe nga dalja e portierit për të shtyrë topin drejtë rrjetës me portën e zbrazët dhe fiksuar shifrat finale në 3-1 duke marrë fitoren e parë kështu në këtë evropian.
LIVE:
TURQI 3-1 GJEORGJI
Muldur 25′
GOLI I MULDUR
Gol i Mikautadze 32′
Goli i Guler 66′
Goli i Akturkoglu 90+7′
FORMACIONET ZYRTARE:
gijotina.com/
Discussion about this post