Turqia duket se po përballet me një krizë ekonomike, e cila po ndihet çdo ditë e më shumë nga qytetarët e thjeshtë. Këtë e tregojnë dhe disa foto ku duken njerëzit, të cilët presin në radhë të gjatë para një furre buke, e cila subvencionohet nga qeveria, ndaj dhe ka çmime më të lira.
Fuqia blerëse në Turqi raportohet se ka rënë në mënyrë serioze, rritje të mprehta të çmimeve u vunë re në shumë produkte, nga ushqimet bazë e deri te ato të konsumit.
Kreu i Bashkisë së Stambollit, tërhoqi vëmendjen për faktin se çmimet e konsumit në qytet janë rritur me më shumë se 50 për qind vitin e kaluar. Ai e cilësoi koston e jetesës si problemin më të madh të vendit për momentin dhe tha se radhët para furrës së bukës, janë tregues i varfërisë. Duke shprehur se e sheh inflacionin dhe koston e jetesës si reflektim të paaftësisë së qeverisë për të menaxhuar.
İmamoğlu vazhdoi si më poshtë: “ Çështja e parë për të cilën duhet folur tani është fuqia blerëse e qytetarëve në vend, dërrmimi i qytetarëve nën ekonominë. Ky është pozicioni im më i madh për momentin .”
Ai shtoi gjithashtu se interesi për Bukën Halk, që subvencionohet nga bashkia, dhe radhët e krijuara janë tregues i jetesës së tyre: “ Edhe pse prodhimi dyfishohet në dy vjet, në fakt nuk mjafton. Kjo tregon qartë varfërinë. Njerëzit nuk kanë qejf të rrinë në radhë për të blerë bukë. Ka një arsye pse është në radhë. Do të thotë që edhe 100 lirat që do të kursejë në muaj janë një shumë e madhe parash për atë qytetar ”.
Ndërkohë që sondazhet tregojnë se votuesit e shohin ekonominë si problemin më të madh në vend, disa sondazhe tregojnë se mbështetja për Presidentin Erdogan ka rënë nga samitet dhe se kryebashkiakët e Ankarasë dhe Stambollit mund të jetë rivalë të Erdoganit. Megjithatë, ekspertët theksojnë se qeveria nuk do të dëshirojë të shkojë në zgjedhje para se ekonomia të fillojë të rimëkëmbet, ndërsa Erdogani nënvizoi se zgjedhjet e parakohshme nuk do të mbahen.
Discussion about this post