Skuadrat e kombëtareve U-21 të Shqipërisë dhe Kosovës do të ndeshen ditën e sotme në orën 19:00 për kualifikueset e Evropianit të këtij grupmoshe.
‘Shpresat’ e kuqezinjve vijnë në këtë sfidë pas disfatës ndaj Sllovenisë, ndërsa Kosova e ka këtë të parë ndeshje për nëntorin.
Shqipëria dhe Kosova janë ndeshur edhe vitin e kaluar, në dy ndeshje që u fituan nga ‘Kuqezinjtë’.
Ekipi i drejtuar nga trajneri Alban Bushi ka një ecuri deri diku të mirë duke fituar dy herë ndaj Andorës dhe Sllovenisë, ndërsa ka pësuar dy humbje një me Slloveninë në transfertë dhe një me Republikën Çeke.
Ndërsa Kosova e trajnerit Michael Nees në katër takime ka fituar një herë ndaj Andorës dhe ka humbur tre sfida një me Anglinë dhe dy me Republikën Çeke.
Në tabelën Shqipëria renditet e trata me 9 pikë, ndërsa Kosova në vend të parafundit me vetëm 3 pikë.
Ndeshja e planifikuar për sot do të zhvillohet në Kosovë në stadiumin ‘Fadil Vokrri’./K.T/Gijotina.com
Discussion about this post