U aksidentua në punë, humb jetën shqiptari në Greqi

Një shqiptar 39-vjeçar humbi jetën 7 ditë pas një aksidenti në punë. Shqiptari ra nga skela teksa punonte, ndërsa për 1 javë u trajtua në repartin e Mjeksimit Intensiv në spitalin e Chanias.

Aksidenti në punë ndodhi në zonën e Koumbe, Rethymno, ku 39-vjeçari, baba i 2 fëmijëve mbeti i plagosur rëndë pasi ra nga një skelë rreth tetë metra e lartë.

Fillimisht ai u transferua në spitalin e Rethymno-s, por u gjykua e nevojshme transferimi i tij në një spital më të specializuar, si ai i Chanias. Shqiptari kishte pësuar dëmtime të rënda si pasojë e rënies nga lartësie, çka rezultuan fatale për jetën.