Djali 21-vjeçar i Lance Armstrong, Luke, nuk do të ndiqet penalisht nga drejtësia e Teksasit për akuzat e përdhunimit të ish të dashurës së tij në vitin 2018. Luke Armstrong u arrestua në vitin 2018 dhe u lirua më pas.
Avokati i familjes Armstrong, Randy Leavitt, tha: “Luke dhe familja e tij janë të kënaqur me vendimin dhe mezi presin të pastrojnë reputacionin e tij pas akuzave të pabaza. Ndër të tjera, Luke kishte kaluar dy teste të pavarura me zbuluesin e gënjeshtrës, në të cilat ai sqaroi se ai kurrë nuk kishte përdorur dhunë në një marrëdhënie krejtësisht konsensuale”.
Ish e dashura e tij e cila ishte 16 vjeç në 2018, u tha hetuesve se ajo i kërkoi Luke Armstrong ta merrte atë në një festë në qershor 2018, sepse ajo kishte pirë shumë dhe për këtë arsye nuk do të ishte në gjendje të ngiste makinën.
Ndërsa më tej ajo ka dëshmuar se është dërguar në shtëpinë e Armstrong dhe më pas u përdhunua.
Akuza të cilat u hodhën poshtë nga avokati Leavitt, që saktësoi se marrëdhënia midis dy të rinjve vazhdoi edhe pas përdhunimit të supozuar
Ndërkohë kujtojmë që Luke Armstrong ishte rezervë në ekipin e futbollit amerikan në Universitetin Rice./K.T/Gijotina.com
