Ditën e sotme, Asdren Gjikolli i njohur me emrin artistik Gjiko do të dalë para Gjykatës Themelore në Prishtinë si i dyshuar për dhunimin e një femre të mitur.
Reperi i njohur akuzohet se ka rënë në kontakt me një femër të mitur, të cilën e ka mashtruar se do ta bënte këngëtare dhe do ta angazhonte në spote të këngëve. Me të njëjtën vajzë, dyshohet se ai ka kryer edhe marrëdhënie seksuale me të. Gjithashtu, është bërë me dije se akuza është ngritur nga prokurorja Sebahate Hoxha.
Nga ana tjetër, disa javë më parë nga Gjykata Themelore në Prishtinë kanë konfirmuar se seanca e shqyrtimit fillestar ishte mbajtur në datën 25 mars 2022, e cila me kërkesë të palës mbrojtëse është shtyrë për në datën 26 prill 2022.
“Ju njoftojmë se lidhur me këtë lëndë është mbajtur seanca e shqyrtimit fillestar me datë 25.03.2022, e cila është shtyrë për datë 26.04.2022 me kërkesë të mbrojtësve të të pandehurve me qëllim të pajisjes me shkresa të lëndës”.
Së fundmi, Gashi nuk kishte dhënë detaje të tjera se çfarë është duke ndodhur me këtë çështje, duke pohuar se seancat janë të mbyllura, për shkak se palët e dëmtuara janë persona të mitur.
“Lidhur me rastin e të pandehurve A.GJ, ju njoftojmë se në këtë rast seancat janë të mbyllura për publikun, pasi që rasti ka të bëjë me lëndë ku dyshohet se të përfshirë si palë të dëmtuara janë persona të mitur, andaj të gjitha procedurat në raste të tilla janë konfidenciale”.
Discussion about this post