Trupi gjykues i Kolegjit të Posaçëm të Apelimit ka lënë në fuqi vendimin për pezullim nga detyra të prokurorit Xhevahir Lita. Prokuroi Lita u arrestua për korrupsion dhe krim të organizuar gjatë operacionit ‘Metamorfoza’ në vitin 2023.
Gjykata e Kolegjit të Posaçëm të Apelimit vendosi lënien në fuqi të vendimit të marrë me date 4 shator 2024 për shkarkim nga detyra të Xhevahir Litës.
Njoftimi
Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Sokol Çomo relator, Ina Rama, Mimoza Tasi, Rezarta Schuetz anëtare, shpalli vendimin për çështjen nr. 47/2024, datë 19.11.2024, që i përket ankimit të subjektit të rivlerësimit Xhevahir Lita kundër vendimit të Komisionit të Pavarur të Kualifikimit nr. 796, datë 04.09.2024.
Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:
Lënien në fuqi të vendimit nr. 796, datë 04.09.2024 të Komisionit të Pavarur të Kualifikimit, që i përket subjektit të rivlerësimit Xhevahir Lita. Ky vendim është përfundimtar dhe ka efekt të menjëhershëm. U shpall më datë 16.12.2025, në Tiranë.
Discussion about this post