Nëna e të riut shqiptar që është arrestuar pasi akuzohet se ka përdhunuar një të mitur greke, ka reaguar duke dalë në mbrojtje të djalit të saj dhe dhënë një tjetër version të historisë.
Pas arrestimit të djalit pasditen e së martës, nëna e 27-vjeçarit pohon se ajo ishte në shtëpi në Agia Varvara, mbrëmjen e 11 prillit kur djali erdhi bashkë me një shoqe. Nëna ka folur për mediat greke dhe ka shpjeguar se i biri erdhi në banesë me një vajzë dhe për aq sa qëndruan dëgjoi vetëm të qeshura nga dhoma ku rrinin, duke hedhur poshtë dyshimet për një përdhunim.
“Djali im hyri në shtëpi pak pas orës 9 të mbrëmjes dhe më tha “mos më shqetëso, do të jem në dhomë me një vajzë”. Nuk dëgjova zhurmë apo të bërtitura siç thonë, dëgjova vetëm të qeshura. Çfarë ndodhi më pas, ishte e papritur. Policia hyri në shtëpi të nesërmen dhe më kërkoi djalin. Fillimisht as që e kuptova që ishin policë, nuk më shkoi mendja”, tha nëna e të akuzuarit për përdhunimin e 17-vjeçares.
Djali 27-vjeçar është arrestuar dhe po mbahet në burg, ndërsa ditën e premte pritet të dalë në gjykatë nën akuzën për përdhunim të nxënëses 17-vjeçare. Autoritetet pohojnë se mbështeten vetëm tek pretendimet e vajzës, në akuzën e ngritur ndaj 27-vjeçarit dhe se kanë gjetur gjurmë gjenetike të të dyshuarit në rrobat e vajzës.
Sipas hetimit, 27-vjeçari ishte takuar me të miturën nga Kamatero pasi ishte njohur disa ditë më parë përmes një platforme takimesh ku kanë shkëmbyer llogaritë e tyre në Instagram dhe kanë vazhduar bisedën.
Sipas denoncimit të vajzës, pasditen e të hënës kanë rënë dakord të takohen. Djali ka shkuar në banesën e saj ta marrë, kanë dalë të dy dhe kanë shkuar në park. Më pas ai e ka ftuar të shkojnë në shtëpinë e tij. Vajza thotë se kjo është bërë me dhunë dhe shton se kur u futën në dhomë, ai ndezi televizorin dhe e përdhunoi.
Rreth 35 minuta më pas, kanë dalë dhe djali e çoi me motor në shtëpi ku sipas saj i tha: “Mos më denonco, sapo kam dalë nga burgu dhe më fusin prapë brenda”, po vajza e denoncoi menjëherë të nesërmen.
Discussion about this post