Leonidha Peçi, 82-vjeçari, që u ndalua nga Policia si i dyshuar për vrasjen me mjete të forta të bashkëshortes së tij 80-vjeçare Afroviti Peçi, ka pësuar infakt teksa po merrej në pyetje nga oficerët e policisë lidhur me krimin.
82-vjeçari fillimisht është transportuar drejt spitalit të Gjirokastrës dhe më pas drejt Tiranës, pasi gjendja e tij shëndetësore është rënduar.
Sipas raportimeve, autori i dyshuar i krimit në familje, nuk ka deklaruar asnjë motiv as në policinë e Përmetit as në ambientet e Drejtorisë Vendore të Policisë Gjirokastër përballë oficerëve.
Ai dyshohet se ka goditur me shkop në kokë bashkëshorten e tij 80-vjeçare, duke i marrë jetën.
Peçi u ndalua nga policia në orët e paradites, ndërsa pas disa orësh nuk është ndjerë mirë në anën shëndetësore.
Discussion about this post