Policia e Shteti ka konfirmuar ngjarjen e pasdites së kësaj të mërkure ku Gijotina.com publikoi lajmin e kapjes së një sasie parash të padeklaruara në portin e Durrësit.
Në njoftimin zyrtar bëhet me dije se janë sekuestruar 66.040 euro si dhe janë arrestuar dy persona. Ata kanë qenë duke hyrë në Shqipëri me autobus. Në momentin kur kanë kaluar në vijën e dytë për kontroll të imtësishëm, kontrollorët kanë konstatuar diçka të dyshimtë në tavanin e autobusit.
Pikërisht aty ishin të fshehura paratë, që më pas u sekuestruan.
Personat e arrestuar janë Vullnet Elezi dhe Anastas Thanasi, të dy shoferë të autobusit.
Mbi të arrestuarit rëndon akuza e “Mosdeklarim në kufi i të hollave dhe i sendeve me vlerë”
Discussion about this post