Një ditë pas arrestimit tre të arrestuarit në Durrës të cilët dyshohet se janë vrasës me pagesë, teksa janë marrë në pyetje nga unifromat blu nuk kanë dhënë asnjë detaj lidhur me personin që ishin urdhëruar për të vrarë.
Të konsideruar me rrezikshmëri të lartë shoqërore të arrestuarit nuk kanë treguar as qëllimin, apo pjesë nga plani për personin që ishin porositur të vrisnin. E për këtë arsye pritet të bëhet hapja e laptopit të sekuestruar në makinë, i cili mund të ndihmoj hetuesit.
Mirëpo në mënyrë që të kryhet kjo, duhet lëshuar urdhëri i Prokurorisë.
Sakaq kujtojmë se arrestimi I tyre është bërë ditën e djeshme pasi dyshohen se janë vrasës me pagesë. Më konkretisht pritet të dalin para Gjykatës : Aldi Mustafa, 35 vjeç, banues në Durrës, i dënuar më parë për veprat penale “Kanosja” dhe “Prodhimi dhe shitja e narkotikëve”, i dënuar më parë me 10 vite burg, në Gjermani. Uran Zyka, 40 vjeç, banues në Durrës, i dënuar më parë për veprën penale “Kanosja”. Të dy këta shtetas janë me precedent të theksuar kriminal në fushën e krimeve ndaj personit. Tahir Gjinika, 33 vjeç, banues në Durrës.
