Edhe pse kishte disa kohë që ishte deklaruar për Alesjan, ish-konkurrenti i “Për’puthen” Albi Dhima u largua nga programi i dashurisë për shkak se nuk e gjeti dot dashurinë. Ai pati thënë se nëse nuk do dilte nga programi me të, do të dilte vetëm.
Mirëpo, një ditë më parë, Alvisa Qarri u përball me një sulm kibernetik ku iu hack-ua profili i “Instagram”-it dhe u postuan një sërë bisedash me konkurrentë të tjerë të “Për’puthen”.
Një nga gjërat që ka bërë më shumë përshtypje ka qenë publikimi i një fotoje të Alvisës, Bashkimit, dhe Albit i cili ndodhej krah një vajze tjetër, portreti i të cilës ishte i censuruar.
Kjo foto është bërë më datë 31 dhjetor, ndërkohë që në datën 2 janar Albi është deklaruar për Alesjan, duke theksuar që ka një pëlqim të madh për të.
Rikujtojmë se në një nga mesazhet e treguara në “Instagram” me Albin nënkuptohet dhe fakti që Bashkimi mund të ketë pasur edhe të dashura të tjera gjatë lidhjes më Alvisën, për të cilat kjo e fundit ka qenë në dijeni.
Discussion about this post