Mungesa e Neymar në ndeshjen e Brazilit kundër Argjentinës për kualifikueset e Botërorit ‘Katar 2022’ solli një sërë reagimesh.
Kombëtarja Selecao njoftoi se sulmuesi i Paris Saint-Germain nuk do të luante për shkak se ishte i dëmtuar nga ndeshja e fundit kundër Kolumbisë.
Megjithatë mediat braziliane kanë dhe një tjetër version dhe kanë hedhur akuza të rënda ndaj lojtarit. Ato raportojnë se ylli i PSG-së nuk ka pasur asnjë lëndim dhe një natë para ndeshjes me ka qenë në një klub nate duke u argëtuar dhe nuk dukej aspak sikur ishte i lënduar.
Pavarësisht se takimi kundër Argjentinës nuk ndikonte në kualifikimin e Brazilit në Botëror, sjellja e lojtarit nuk është pëlqyer aspak dhe ka bërë që ai të jetë sërish në qendër të kritikave.
Rikujtojmë se kjo nuk është hera e parë që Neymar vihet në qendër të akuzave nga ana e mediave në Brazil, pasi sulmuesi njihet si një person që e frekuenton shumë jetën e natës./K.T/Gijotina.com
Discussion about this post