Mimoza Tasi është zëvendësuesja e Luan Dacit, i cili u shkarkua nga KPA pasi akuzohet për falsifikim dokumentesh. Daci u dënua me vendim të formës së prerë për të njëjtën akuzë, falsifikim dokumentesh. Ish-anëtari i KPA-së është shpallur fajtor me vendimin e formës së prerë nga Apeli i Posaçëm për veprën penale të falsifikimit të dokumenteve. Daci akuzohej për falsifikim dokumentesh gjatë aplikimit të tij për pozicionin e anëtarit të KPA-së.
Gjykata e dënoi Dacin për faktin se kishe fshehur shkarkimin nga detyra në 1997 duke arritur që të bëhet anëtar i Kolegjit të Posaçëm të Apelimit. “Natyra dhe rrethanat e kryerjes së shkeljes disiplinore klasifikohet ndër më të rënda dhe e bën të papërshtatshëm për kryerjen e detyrës së gjyqtarit të këtij institucioni. Ndaj Kolegji vendosi shkarkimin nga detyra”, thuhet në vendimin e KPA.
KPA shtyu përkohësisht shkarkimin e Dacit, edhe kur ai u dënua me një vit burgim, të konvertuar në shërbim prove, me vendim të formës së prerë nga Gjykata e Apelit e Krimit të Organizuar dhe Korrupsionit.
Discussion about this post