Prej disa ditësh dhuna barbare e 6 -vjeçares në Kamëz nga babai i saj, ka qenë kryefjala e ngjarjeve të rënda të shënuara në vend. Sot e mitura ka dalë nga reanimacioni, ku i ishte nënshtruar një kontrolli pas rezultatit të ekspertizës mjekoligjore, për dëmtimet që janë shkaktuar si pasojë e dhunës në pjesë të ndryshme të trupit.
Burime për gijotina.com bëjnë me se vajza është në gjendje shëndetësore të qëndrueshme.
Në dhomën e spitalit ku është shtruar vogëlushja ndodhen edhe dy punonjëse të mbrojtjes së fëmijëve nga Drejtoria e Shërbimit Social, të cilët kanë marrë urdhër që të mos lejojnë praninë e mediave.
Dy ditë më parë ndaj 27- vjeçarit R.K., u vendos masa e sigurisë “arrest me burg”, ndërsa ka mohuar kategorikisht që e kishte abuzuar seksualisht por ka pranuar dhunën fizike, rrahjen me thupër duke justifikuar me arsyen se vajza e bezdiste në telefon të ëmën ndërsa kjo ishte në punë”.
Madje ai ka shtuar se e ka çuar vetë në spital.
Nga dosja mësohet se e mitura merrte nënën e saj në telefon duke i kërkuar që të shkonte në shtëpi dhe mos ta linte vetëm me babin.
Discussion about this post