U gjet i pajetë në banesë, zbulohet identiteti i 43-vjeçarit në Tiranë

Një person është gjetur i pajetë në rrugën “Sali Nivica”, në zonën e Ali Demit në kryeqytet.

Sipas informacioneve paraprake mësohet se viktima është Ardit Sena, 43-vjeç , ndërkohë dyshohet se burri ka mbi një muaj brenda në banesë i pajetë.

Mësohet se ai është gjetur nga të afërmit, pa shenja jete. Nga vëzhgimet paraprake nuk janë konstatuar shenja dhune.

Policia ka shkuar në vendin e ngjarjes dhe po punon për zbardhjen e plotë të saj dhe për nxjerrjen e trupit nga banesa.