Një nxënës i klasës së gjashtë nga Vushtrria është gjetur i vdekur nga vëllai i tij. Lidhur me ngjarjen e rëndë policia ka dhënë detaje të zgjeruara ku bën me dije se viktima është gjetur i shtrirë në dysheme.
Nga ana tjetër, në vendin e ngjarjes ekipi mjekësor ka konstatuar vdekjen e tij, teksa trupi i pajetë i viktimës është dërguar në IML për obduksion.
“Një mashkull kosovar ka raportuar se në shtëpi ka gjetur vëllain -viktimën mashkull kosovar të shtrirë në dysheme. Njësit relevante dhe ekipi mjekësor kanë dal në vendin e ngjarjes ku është konstatuar vdekja e viktimës. Trupi i pajetë i viktimës me vendim të prokurorit është dërguar në IML për Obduksion. Rasti vazhdon të hetohet.”
Kujtojmë se lajmin për vdekjen e tij u bë fillimisht i ditur nga shkolla SHMF “Liria Strofc” ku nxënësi vijonte mësimet në klasën 6-të.
“Me pikëllim të thellë e zemër të thyer, ju njoftojmë se sot u nda nga jeta një engjëll i shkollës sonë. F. M. ishte nxënës i klasës VI. Ai ishte një nxënës i mirë, i hareshëm dhe përplot jetë. Ngushëllime familjes, farefisit, nxënësve dhe mësimdhënësve për këtë ndarje të dhimbshme e të papritur! U prehsh në paqe, i dashur F”.
Discussion about this post