45-vjeçari, Admir Bejo, i cili u gjet i plagosur mbrëmjen e sotme në lagjen “1 Maji” në Kuçovë” është transportuar drejt Spitalit Ushtarak. Mësohet se i plagosuri ndodhej në sallën e operacionin në spitalin Rajonal të Beratit, pasi si pasojë e plumbit, kishte plagë në ije.
Bajo u gjet i plagosuri në anë të rrugës, ndërkohë që ende nuk dihen rrethanat apo shkaqet e ngjarjes.
Në 2007, ai së bashku me vëllain Ilija Bejon, kanë tentuar që të vrasin 2 vëllezërit Ardian Kundja dhe Saimir Kundja. Ngjarja ndodhi rreth orës 8:00 te mëngjesit më 26 dhjetor 2007, teksa dy vëllezërit Kundja ishin duke dalë nga hyrja e pallatit në të cilin jetonin. Pas të shtënave, dy autorët që menduan se i lanë të vdekur shënjestrat e tyre, u larguan me shpejtësi nga vendngjarja, me një automjet tip “Ford Fiesta” me targa TR 79 88 N.
Vëllezërit e plagosur u dërguan në spitalin e qytetit. Një nga pistat e hetimit mendohet të jenë konfliktet e vjetra për një vajzë nga Kuçova që bashkëjetonte prej më shume se një viti me Ilia Bejon.
Discussion about this post