Një 34-vjeçar shqiptar humbi jetën gjatë një aksidenti tragjik në Itali. Ilsjan Demko, 34 vjeç po udhëtonte me makinën e tij teksa u godit nga një kamion dhe si pasojë nuk mundi të mbijetonte.
Sipas mediave italiane, i riu shqiptar kishte ndaluar për shkak të një zjarri që kishte rënë në një krah të autostradës, ku një furgon ishte përfshirë nga flakët. Autoritetet italiane po hetojnë dhe pistën që tymi nga zjarri mund t’i ketë penguar shikueshmërinë.
Demko banonte në Siçili. Ai ishte inxhinier dhe punonte si drejtor prodhimi për një kompani nga Tirana. 34-vjeçari ishte i martuar dhe kishte një djalë.
Discussion about this post