Është identifikuar pronarja e banesës në Tiranë, në të cilën pastruesja Rozeta Dobi dhe i biri i saj Havier Dobi kryenin vjedhje ku dhe më pas u arrestuan. Mësohet se grabitja është kryer në banesën e zyrtares Alda Klosi. Ajo ka mbajtur postin e ish-shefes së kabinetit të ish-zëvendëskryeministrit Arben Ahmetaj.
Ndërsa mendohet se vjedhja në fjalë ka ndodhur në datën 15 dhjetor të 2022-shit. Ishte pikërisht Klosi që ka bërë denoncimin në polici më 15 dhjetor, ndërkohë banesa ku është kryer vjedhja ishte marrë nga ajo me qira.
Tashmë pas hekurave ndodhen Rozeta Dobi dhe djali i saj, Havier Dobi. Kujtojmë se në banesën e këtyre të dyve u sekuestruan dje shuma të mëdha parash, ndërsa sot mbi 400 mijë euro, që ishin fshehur në tubin e aspirimit. Pastruesja ka mbi 5 denoncime për raste të mëparshme ku thuhet se ka vjedhur në banesat ku ka punuar më herët.
Discussion about this post