U hodh nga kati II i shkollës, zbulohet shkaku që shtyu të miturën

Detaje të reja raportohen mbi ngjarjen e rëndë të ndodhur sot në Elbasan, ku një nxënëse e klasës së 10-të u hodh nga kati i dytë i gjimnazit.

E mitura është nga Lushnja dhe ka dy prindër me probleme të shëndetit mendor të cilët e dhunonin. Vajza ka qenë me urdhër mbrojtje e strehuar në një nga qendrat rezidenciale për të mitur në Elbasan. Disa psikologë po merren me rastin, ndërkohë që ende nuk dihen shkaqet që e kanë shtyrë vajzën të hidhet nga kati i dytë.

Pasi policia ka marrë në pyetje shokët e klasës së vajzës, u mësua se ajo ka qenë në gjendje të rënduar psikologjike prej prindërve.

Gjendja e saj shëndetësore është e mirë dhe ndodhet jashtë rrezikut për jetën.

Mësohet se vajza është në spital aktualisht, ndërsa në shkollë është regjistruar në nëntor të vitit të kaluar.

Ndërkohë të gjitha institucionet ZVA dhe qendrat rezidenciale kanë marrë urdhër për mos publikimin e rastit pasi vajza është e mitur dhe kontingjent vulnerabël. /Euronews Albania/