Kompania ‘Alba Exotic’, është kapur 6 herë kokainë dhe lidhur e këtë çështje ka reaguar sot, avokati i drejtuesit të kompanisë Baftjar Rusi. Përmes një deklarate për mediat ai tha se, përgjegjësinë për transportin detar nga nisja në mbërritje e ka shoqëria e transportit dhe nuk janë pronë e Alba Ekzotic.
Ai tregoi se i janë drejtuar ambasadës së SHBA-së, që kryeson Reformën në Drejtësi, duke i kërkuar ndihmë të drejtpërdrejtë. Ai tha se duhet të që të kapin dhe të shohin kush kërkon që ta marrë drogën, krimi i organizuar ka kapur strukturat.
“Ne sigurisht, duke pasur pëlqimin e plotë nga presidenti i kompanisë zoti Eduard Dauti, po drejtohemi dhe flasim publikisht në mënyrë të përmbledhur, i kemi dërguar një letër ambasadës amerikane, ku i kemi kërkuar që të rritet kontrolli në konteinerët që vijnë nga vendet e Amerikës Latine.
Unë po u bëj me dije se kontrollet janë shtuar pas kapjes së sasisë së parë, në datën 17 Korrik është kapur kontenieri i dytë, ka ndryshuar mekanizmi, nuk futen te pjesa e mallit, por te pjesa e jashtme e frigoriferit, që nuk janë në dorë të kompanisë sonë.
Përgjegjësinë për këtë duhet ta mbajë kompania që ka bërë transportin, duhet të ndërhyhet dhe të merren kamerat e sigurisë të shohin se kush ka ndërhyrë që të fusë drogën në kontenier. Kjo shoqëri kaq e marrë qenka, që edhe pse është në hetim, të vazhdojë të bëjë trafik droge? Çfarë logjike ka në këtë rast?
Përgjegjësinë për transportin detar nga nisja në mbërritje e ka shoqëria e transportit, nuk janë pronë e Alba Ekzotic. Pse nuk shkojnë që të kapin dhe të shohin kush kërkon që ta marrë drogën, krimi i organizuar ka kapur struktura, ndaj i jemi drejtuar ambasadës amerikane, që kryeson Reformën në Drejtësi, i kërkojmë ndihmë të drejtpërdrejtë.
Ka të gjitha mundësitë që të angazhojë të gjitha strukturat ligjzbatuese”, u shpreh Rusi për mediat.
Kujtojmë se me 12 tetor policia ka vënë në pranga menaxherin e kompanisë Barjon Gumeni dhe ka shpallur në kërkim administratorin, Eduart Dauti, pasi nga kjo kompani janë kapur 6 herë kokaine, ku vetëm herën e fundit janë gjetur 10 kilogramë e 185 gramë lëndë.
