Eshtë pezulluar nga detyra efektivi i policisë në Kavajë, i cili u kap mbrëmjen e sotme duke drejtuar mjetin në gjendje të dehur.
Bëhet fjalë për F.H, 51 vjeç, me detyrë SPZ i Stacionit të Policisë Rrogozhinë, pranë Komisariatit të Policisë Kavajë.
Ai u arrestuar nga AMP për kryerjen e veprës penale “Drejtimi i automjeteve në mënyrë të parregullt”.
“Drejtori i Përgjithshëm i Policisë së Shtetit ka urdhëruar Drejtorinë e Standardeve Profesionale në DPPSH të pezullojë menjëherë nga detyra, punonjësin e policisë, Inspektor i Parë F.H, 51 vjeç, me detyrë SPZ, në Komisariatin e Policisë Kavajë.
Mbështetur në ligj, pezullimi pa pagesë, deri në ndryshim të statusit me vendim të gjykatës, u bë pasi Agjencia e Mbikqyrjes Policore e ka arrestuar punonjësin e policisë për drejtim të automjetit në gjendje të dehur.
Discussion about this post