Edhe pse në qeli Emiljano Shullazi ka lënë pas “trashëgimtarë” të veprave të tij kriminale. Gijotina.com raporton se sot është arrestuar nipi i tij Leonardo Zela, 23-vjeç si bashkëpunëtor për shitjen e lëndës narkotike që kultivohej në një shtëpi bari në kryeqyet.
Djali i motrës së Shullazit, u vu në pranga pasi në zonën e ish-parkut tregonte kanabis në sasi të vogla dhe më pas ndante paratë me 38-vjeçarin Alban Karapici i cili kujdesej për kultivimin e kanabisit në vazo lulesh dhe më pas e ruante atë në kavanozë prej qelqi.
Në shtëpinë e Zelës policia gjeti dhe sekuestroi një sasi kanabis gati për shitje, 4 kavanozë me lëndë narkotike, një peshore elektronike dhe shumat e parave të ndara në 11150 euro dhe 11.000 paund.
Kush është Emiljano Shullazi?
Emiljano Shullazi është personazh “VIP” sa i takon veprimtarive kriminale që ka kryer ndër vite në vendin tonë. Për gjatë viteve, Shullazi është akuzuar për krime të ndryshme të rënda që nga vrasjet, shpërthimet me eksploziv, apo trafik dhe shitje e shpërndarje droge, si dhe akuza të tjera në kuadër të grupit të strukturuar kriminal.
Në mënyrë të vazhdueshme ai ka qenë i dyshuar dhe i hetuar disa herë për gjobëvënie dhe shtrëngim me dhunë dhe kanosje për dhënie pasurie, por në shumë pak raste ai është hetuar.
Ndërkaq në mënyrë të herëpashershme ai është hetuar dhe arrestuar nga policia e kryeqytetit për armëmbajtje pa leje, jo shumë larg banesës së tij. Me emrin e tij lidhen shumë ngjarje kriminale që kanë tronditur vendin që prej vitit 1999. Prej atij viti dhjetëra të vdekur numërohen nga të gjitha anët e botës së krimit në kryeqytet. Shullazi vijon të qëndrojë në fuqi edhe një masë e dytë sigurimi “arrest në burg”, për akuzën e “Vrasjes në rrethana cilësuese” në dëm të Vajdim Lamajt dhe Artan Arsit, ngjarje kjo e ndodhur në muajin shkurt 2005 në Tiranë. A.L/ gijotina.com
Discussion about this post