Prokuroria kërkon sekuestrimin e pasurive të Fatjon Muratajt. Pasuritë e tij kërkohen të sekuestrohen pas hetimeve nga Krimi Ekonomik. Fatjon Murataj u kap disa ditë me parë në automjet me Endrit Doklen, teksa policia e kishte shpallur në kërkim si një nga personat qe kishte dijeni për dy baza armatimi.
Janë rreth 5 milion euro që kërkohen të sekuestrohen. Pasuritë dyshohet se e kanë prejardhjen nga aktiviteti kriminal. Murati ishte i shpallur në kërkim nga policia, ndërsa emri i tij ka dalë edhe në masakrën me tre të vrarë në Fushë-Krujë. Murati ka qenë një nga personazhet që është kërkuar nga Prokuroria e Kurbinit për t’u marrë në pyetje.
Në masakrën e Fushë-Krujës mbetën të vrarë, Brilant Martinaj, Besmir Hoxha dhe Diklen Vata. Ata u ekzekutuan në mbikalimin e Fushë –Krujës mesditën e së dielës (17 korrik) gjatë një atentati të mirëorganizuar.
Prokuroria ka kërkuar:
Sekuestrimin e pasurive te paluajtshme:
Pasuria nr. 4/40/ND+1-2, ZK. 8330, sip ndërtimi 120 m2.
Pasuria nr. 9/73-N7, ZK 8310, rrg “Lord Bajron, njësi shërbimi (dyqan) sip 40 m2.
Pasuria nr.215/189+3-N14, ZK 3866, rrg “Shaban Matraku”, apartament sip 90.30 m2.
Pasuria nr.4/40/ND+1-1, Zk 8330, një ndërtesë 7+1-katëshe me sipërfaqe ndërtimi 317m2.
Sekuestrimin e pasurive të luajtshme:
Aktiviteti tregtar i rregjistruar si person fizik me NIPT L71814001H, hapur me datë 14.06.2017, me fushë veprimtarie, tregti me pakicë të artikujve të imët ushqimor;
Aktiviteti tregtar i rregjistruar si person fizik me NIPT L81619013E, me veprimtari Bar –Kafe; dhe
Aktiviteti tregtar rregjistruar si person fizik me objekt veprimtarie, lavazh makinash, në mer të shtetasit Y. M.
Discussion about this post