Policia e Tiranës sekuestroi 11300 kokrra ekstazi me peshë 5.93 kg dhe me një vlerë tregu rreth 400 mijë euro.
Të arrestuarit për trafikimin e drogës sintetike janë Mithat Ramadani, Besnik Mujeci, Kalem Picari, Ambra Myftari dhe Daniel Avdija.
Pesë personat, mes tyre dhe një vajzë 28-vjecare u kapën në kryqëzimin e rrugës Myslym Shyri dhe Sami Frashëri.
Ata shfrytëzonin fluksin e sezonit për të transportuar lëndën narkotike përmes një linje autobusësh Prishtinë-Tiranë. Në momentin që ekstazia mbërrinte në Tiranë, ajo transportohej përmes makinave me qira, ndërsa fokusi ishte te shpërndarja në zonën e bregdetit.
Trafikantët kërkonin paradhënie dhe lënie të automjeteve garanci për ekstazinë.
Përveç sasisë së lëndës narkotike edhe një automjet e pesë aparatë celularë u sekuestruan.
Dozat e drogës sintetike janë me ngjyrë kafe dhe kanë logon e markës së luksit, Louis Vuitton.
Discussion about this post