U kapën me 320 kg kokainë në Pire, kush është biznesmeni shqiptari i arrestuar

Zbulohen të tjera detaje në lidhje me shqiptarin e arrestuar të enjten për kokainën e kapur në Pire të Greqisë.

Shqiptari mësohet se njihet me emrin “Andrea” dhe rezulton biznesmen në Shqipëri, pronar dyqanesh me rroba, ndërkohë rezulton pronar edhe i një autobusi turistik.

Ai konsiderohet kreu i grupit që u kap me drogë në 2017, ndërkohë që në atë operacion atëherë u arrestua edhe vëllai i bashkëshortes së tij. Burime policore bëjne me dije se shtetasi shqiptar, rezulton se më parë ka përdorur për të hyrë në Greqi edhe pasaportë serbe, e vërtetuar kjo gjatë hetimeve të vitit 2017. Gjithashtu, me automjetin e këtij shtetasi, në vitin 2008 është arrestuar nga policia turke kunati i tij duke transportuar 22 kg heroinë nga Turqia për në Greqi. Pas daljes nga burgu, kunati i Andreas është arrestuar sërish gjatë operacionit të 2017.

Shqiptari u arrestua pasi policia greke zhvilloi një operacion policor ku u kapën 320 kilogram kokainë. Sasia e madhe e drogës është zbuluar në dy konteinerë me karkaleca që vinte nga Amerika Latine dhe kishte destinacion përfundimtar Shqipërinë.

Gjatë operacionit të sotën janë vënë në pranga dy shqiptarë dhe dy grekë.

Shqiptarët e arrestuar janë identifikuar Jasona alias Andre Mërkuri 54 vjec, dhe Marsel Stafaj 36 vjeç.