Gjykata e Tiranës ka vendosur masën arrest me burg për Remal Radën dhe Elton Hithin, të arrestuar pasi u kapën me snajper në mjetin e tyre luksoz. Arrestimi i tyre u bë një di më parë, ku pas kontrolleve u gjetën armë të tjera në dy banesa.
Sipas Prokurorisë, dyshohet se ish efektivi i RENEA Remal Rada të jetë pjesë e një grupi kriminal vrasësish me pagesë. Organi i akuzës ka kërkuar mostra për të bërë analiza ADN, por kjo nuk është pranuar nga të pandehurit. Ndaj tyre rëndojnë akuzat e armëmbajtjes pa leje dhe mbajtje pa të drejtë të uniformave të policisë.
Ndërsa vazhdojnë hetimet për të zbuluar grupin në të cilin bëjnë pjesë dy të arrestuarit.
Discussion about this post