Dy shqiptarë që u kapën në një fermë kanabisi u dënuan me nga 6 muaj burg secili.
Shqiptarët janë identifikuar si Klajdi Shehu dhe Klajdi Miraka. Ato u gjetën brenda një ambienti, të ndarë në disa dhoma, të përshtatura për kultivimin e narkotikëve.
Një operacion policor çoi në zbulimin e rreth 600 bimëve kanabisi që kultivoheshin në ambientin e përshtatur.
Dy burra shqiptarë po kujdeseshin për fermën e drogës, ku njëri prej tyre tha se ishin vendosur aty nga kontrabandistët.
Disa dhoma ishin konvertuar për të rritur qindra bimë kanabisi në Alnwick, Northumberland.
Policia ekzekutoi një urdhër kontrolli në sheshin Clayport, në qytet, ku gjeti Klajdi Shehun, 23 vjeç. Mattheë Hopkins, procedues, i tha gjykatës së Neëcastle Crown: “Ai po lëvizte një frigorifer larg murit. Pas frigoriferit ishte një hyrje sekrete. Kur policia kontrolloi atje, gjeti një fermë të madhe kanabisi, me pak më pak se 600 bimë kanabisi.
Klajdi Miraka, 33 vjeç, u gjet i fshehur në papafingo.
Kur u intervistua nga policia, Shehu mohoi përfshirjen në prodhimin e kanabisit dhe tha se vetëm kishte fjetur atje.
Hopkins shtoi “ai tha se kontrabandistët shqiptarë që e çuan atë në Mbretërinë e Bashkuar i kishin thënë të qëndronte atje.”
Të dy burrat, pa adresë fikse, të cilët nuk kanë dënime të mëparshme në këtë vend, u deklaruan fajtorë për prodhimin e kanabisit dhe secili u burgos për gjashtë muaj nga gjykatësi Stephen Earl.
Helen Toëers, tha për Mirakën: “ai vuan nga apnea e gjumit e cila kërkon oksigjen kur fle. Ndoshta ishte ky shkak që e ka detyruar të kryente këtë vepër. Ai nuk ka marrë atë trajtim në paraburgim, pavarësisht kërkesave të shumta. Ai e di se do të kthehet në Shqipëri ku do të ketë mjekimet e tij”.
Kate Barnes, tha për Shehun: “Ai erdhi nga Shqipëria duke kërkuar të punojë në mënyrë legjitime. Ai është thellësisht i penduar që ra në veprimtari kriminale dhe zhgënjeu nënën e tij. Ai dëshiron të kthehet në shtëpi për ta mbështetur atë.”
Discussion about this post