Dy shtetas shqiptarë janë dënuar me burg në Angli, pasi janë kapur duke punuar në një shtëpi bari. Bëhet fjalë për shtetasit, Klajdi Toli 27-vjeç me origjinë nga qyteti i Librazhdit, dhe Fabian Xhika 26-vjeç.
Mediat vendase shkruajnë se Toli dhe Xhika janë kapur duke u kujdesur për 1,339 bimë kanabisi. Avokati i dy shqiptarëve ka deklaruar në gjykatë se ata ishin mashtruar nga personat që i kishin futur ilegalisht në Britani.
Ai tha se dy të rinjtë u dërguan në një adresë dhe nuk u lejuan më të dilnin nga aty, duke u detyruar që të kujdeseshin për bimët e kanabisit. Sipas avokatit, ata nuk e dinin se po shkonin në një shtëpi bari dhe nuk kishin dalë nga shtëpi prej disa javësh, deri sa policia i arrestoi.
Tashmë pritet ekstradimi i tyre drejt Shqipërisë pasi ata të kenë kryer dënimin në Angli.
Discussion about this post