Sa herë që një personazh i njohur i ekranit por jo vetëm, puth në buzë fëmijën e tij, nisin komentet kundër këtij veprimi. Sigurisht që ka edhe nga ata që mendojnë se nuk ka asnjë problem një gjest i tillë mes prindërve dhe fëmijëve.
Së fundmi ka qenë Robert Berisha, ai që është përballur me komentet negative dhe kritikuese të ndjekësve të tij. Këngëtari i njohur ka publikuar një fotografi ku shfaqet me vajzën e tij teksa i dhuron një puthje në buzë.
E në këtë fotografi, ai ka marrë reagime të shumta, të cilat artisti ka vendosur që t’i fshijë si dhe ka limituar komentet në postimin e tij. “Po lexoj komentet, shumë mbrapa disa njerëz”, shkruan dikush me të cilin këngëtari është shumë dakord. Ai i ka replikuar duke shkruar: “Lypin m’ju hek vizat. Shanse s’ka”.
Ndërkohë kujtomë se Renee është vajza e Robertit nga martesa me këngëtaren e njohur, Nora Istrefi, me të cilën ka pak vite që është ndarë. Pas dasmës së bujshme dhe 13 vite në krahët e njëri-tjetrit, çifti vendosi që ndarja të ishte zgjedhja më e mirë për ta. Shpesh fotografohen me pushime e me miq të përbashkët duke u përfolur për ribashkim, por të dy e kanë përjashtuar një mundësi të tillë.
Discussion about this post