U la jashtë protokollit në aktivitetin e 2 Prillit, kreu i PD Shkodër: S’duhet të bëjnë përjashtime

Kreu i Partisë Demokratike në Shkodër, Xhevdet Amuli është lënë jashtë protokollit në aktivitetin e 2 Prillit.

Ai shprehet se drejtuesit e protokollit duhet të kenë kujdes dhe nuk duhet të bëjnë përjashtime. Ndërsa ka shtuar se dyert e selisë së PD në Shkodër janë e hapur për çdo deputet.

“Drejtuesit e protokollit duhet të jenë të kujdesshëm dhe nuk duhet të anashkalojnë selinë e PD Shkodër, ku prej asaj seli janë rritur politikisht. Nuk është e vërtetë se janë kyçur dyert e selisë së PD Shkodër. Ai që thotë se janë kyçur është keqdashës i Partisë Demokratike dhe kërkon të çojë me tej përçarjen. Selia e PD Shkodër është e hapur për çdo deputet të Shkodrës dhe Shqipërisë”, shprehet Amuli.