Juventusi ka bërë me dije se kushtet e Dybala-s do të monitorohen ‘ditë pas dite’ pasi testet e kryera këtë mëngjes përjashtuan lëndimet e muskujve.
Sulmuesi argjentinas u zëvendësua pas vetëm 12 minutash në Venezia-Juventus të shtunën.
Ai iu nënshtrua ekzaminimeve mjekësore të hënën në mëngjes dhe analizat e bëra në J Medical përjashtuan dëmtimet e muskujve.
“Testet që Paulo Dybala iu nënshtrua sot në J|Medical përjashtuan dëmtimet e muskujve dhe për këtë arsye, gjendja e tij do të monitorohet çdo ditë”,-thuhet në deklaratën zyrtare të Juventus-it.
Sipas disa raportimeve në Itali, Dybala do të mungojë në dy ndeshjet e ardhshme kundër Bologbna-s dhe Cagliari-t, dy ndeshjet e fundit të vitit 2021.
Argjentinasi duhet të kthehet në aksion në vitin 2022. ‘Bardhezinjtë’ do ta nisin vitin e ri me dy ndeshje kyçe.
E para është në shtëpi kundër Napolit, ndërsa e dyta është finalja e Superkupës së Italisë kundër Inter-it të Simone Inzaghit.
Dybala është golashënuesi më i mirë i Juventus-it këtë sezon me tetë gola në 17 paraqitje në të gjitha garat.
Megjithatë, ai tashmë ka humbur shtatë ndeshje për shkak të lëndimeve këtë sezon.
Dybala pritet të nënshkruajë një zgjatje të kontratës me ‘Zonjën e Vjetër’ gjatë javëve të ardhshme. Marrëveshja e tij aktuale në Allianz Stadium skadon në qershor 2022./K.T/Gijotina.com
Discussion about this post